"Генералдар кеңесі" республикалық қоғамдық бірлестігі ортасы ойысып, отставкадағы генерал-майор Сәбет Жақыпбековтан айырылды, деп хабарлайды zakon.kz.
Сәбет Жақыпбеков 1936 жылы Қарағанды облысы Ақтоғай ауданында дүниеге келген.
Генерал-майор Сәбет Жақыпбеков 20 жылдан астам Қазақстанның үкіметтік байланысын табысты басқарды және біздің республикамыз бен ТМД елдеріндегі осы қызметтің ең танымал басшыларының бірі болды. Ол өз ісін қазіргі уақытта да жалғастырып келе жатқан жоғары кәсіби мамандар тобын тәрбиеледі.
Оның Қазақ КСР МҚК үкіметтік байланыс бөлімінің инженерінен бастап Қазақстан Республикасы Президентінің Күзет қызметі бастығының орынбасары – Үкіметтік байланыс Агенттігінің директорына дейінгі мінсіз қызметі өз ісіне және Отанына шексіз берілгендіктің үлгісі болып табылады.
Жұмыстағы нақты жетістіктері үшін генерал Жақыпбеков "Құрмет Белгісі" орденімен, Қазақ КСР Жоғарғы Кеңесі Президиумының Құрмет грамоталарымен және көптеген медальдармен марапатталған. "КСРО МҚК құрметті қызметкері", "ҚР ҰҚК құрметті қызметкері", "Ресей Федерациясы Президенті жанындағы Үкіметтік байланыс федералды агенттігінің құрметті қызметкері", "Құрметті байланысшы" белгілерімен марапатталған.
Отставкаға шыққаннан кейін ол "Нұрсат" телекоммуникациялық компаниясының президенті ретінде жұмысын жалғастырып, Қазақстан Республикасының тәуелсіз ұлттық спутниктік байланыс желісін құруға қатысты.
Нағыз офицер, тәлімгердің жарқын бейнесі біздің жүрегімізде мәңгі сақталады, делінген ҚР Ұлттық комитетінің көңіл айту хабарламасында.