Коронавирусқа байланысты жағдай тұрақтанған аймақтарда демалыс күндері кәсіпкерлерге шектеу шараларын жеңілдету қарастырылады. Үкімет отырысында Премьер-министр Асқар Мамин осындай тапсырма берді, деп хабарлайды zakon.kz тілшісі.
Ауруханалардағы жұқпалы аурулар бойынша науқастарға арналған орынның 49%, реанимациядағы орынның 46% қамтылған. Жалпы алғанда, вакцинаның бірінші компонентімен 6,5 миллионға жуық адам, ал екінші компонентімен 5 миллионнан астам адам егілді, - деді Мамин.
Дегенмен, ол екпе науқанын әлі де күшейту керектігін баса айтты.
Мен ведомствааралық комиссияға жағдайы тұрақтанған аймақтарда ASHYQ жобасына қатысатын кәсіпкерлік субъектілеріне демалыс күндері шектеу шараларын жеңілдетуді қарастыруды тапсырамын, - деп сөзін қорытындылады Үкімет басшысы.
