Қасым-Жомарт Тоқаев Шығыс экономикалық форумына қатысады, деп хабарлайды zakon.kz.
3 қыркүйекте Мемлекет басшысы Қасым-Жомарт Тоқаев Ресей Президенті Владимир Путиннің шақыруымен бейнеконференция форматында өтетін Шығыс экономикалық форумына қатысады, деп жазды Президенттің баспасөз хатшысы Берік Уәли Facebook-те.
Жыл сайын Владивостокта өтетін форумның биылғы тақырыбы "Құбылмалы әлемдегі Қиыр Шығыстың жаңа мүмкіндіктері" деп аталады. Шара барысында Азия-Тынық мұхиты аймағы сауда-экономикалық ынтымақтастығының жаңа механизмдері талқыланбақ.