Бұрынғы Қорғаныс министрі Қасым-Жомарт Тоқаевтан кешірім сұрады, деп хабарлайды zakon.kz.
Президент жаңа Қорғаныс министрін таныстырған кезде отставкаға кеткен Нұрлан Ермекбаев сөз сөйледі.
Жиын барысында отставкаға кеткен бұрынғы министр Нұрлан Ермекбаев сөз сөйлеп, Президенттен, Жамбыл облысының Байзақ ауданында болған қайғылы оқиғадан қаза тапқандардың ағайын-туысынан және зардап шеккендерден кешірім сұрады, делінген Ақорда сайтындағы хабарламада.
Бұған дейін Тоқаев Нұрлан Ермекбаевты отставкаға жіберді, Президент министрді қызметінен босату туралы Жарлыққа қол қойды.
Қазір Қорғаныс министрі - Мұрат Бектанов.
27 тамызда Жамбыл облысында болған жарылыстардан кейін Нұрлан Ермекбаев отставкаға кетуге дайын екенін мәлімдеді.
Айта кетсек, Жамбыл облысында 26 тамыз күні кешке жарылыстар болды. Соңғы мәліметтер бойынша, 15 адам қаза тапты.
