Қазақстан мектептерінде денсаулыққа қауіпті антисептиктер қолданылады. Желі қолданушылары осындай хабарламаны қызу талқылап жатыр, деп хабарлайды zakon.kz.
Бұл хабарлама астына пікір қалдырушылар мұның ата-аналардың балаларын вакцинациялауға ынталандыру үшін жасалып жатыр деген ой білдіреді.
Қазақстан Республикасы Денсаулық сақтау министрлігі Санитарлық -эпидемиологиялық бақылау комитетінің өкілі бұл хабарламаның жалған екенін мәлімдеді.
Өткен жылы білім беру ұйымдарында дезинфекциялық тоннельдер алынып тасталды. Олар орнында тұрса да, жұмыс істемейді. Оған тыйым салынған. Бір ғана шарт – мектептерде дезинфекциялық төсеніштер болуы керек. Балаға тікелей ештеңе бүркімейді. Мектептерде қатаң бақылаудан өткен және сертификатталған антисептиктер бар. Олар ешқандай ауру жұқтырмайды. Егер ата-аналар баланың ортақ антисептикті қолдануын қаламаса, оны жеке санитайзермен қамтамасыз етуге рұқсат етіледі, – деп түсіндірді ведомствоның ресми өкілі Ержан Байтанаев stopfake.kz сайтына.