12 жастан асқан балалар да Ashyq қосымшасынан өз мәртебесін сканерлей алады, - дейді Нұр-Сұлтан қаласы бас санитарлық дәрігерінің орынбасары Жанна Пірәлиева, деп хабарлайды zakon.kz тілшісі.
12 жастан асқан балалар, оның ішінде 18 жасқа толмаған студенттер ата-аналарының немесе заңды өкілдерінің рұқсатымен білім беру мекемелеріне Ashyq қосымшасын ерікті түрде пайдаланып, кіре алады.
Бұл компьютерлік клубтар, цирк, кинотеатрлар, балалар сауықтыру орталықтары мен өңіраралық, қалааралық туристік тасымалдар сияқты объектілерге де қатысты, - деді ол елорда әкімдігінде өткен брифингте.
Айта кетсек, биыл барлық мектеп оқушылары, колледждер мен жоғары оқу орындарының студенттері дәстүрлі білім беру форматына оралды.
Сонымен қатар, 2 қыркүйекте Ashyq қосымшасында мәртебе белгісі орны жыпылықтап тұратыны белгілі болды. "Атамекен" Ұлттық кәсіпкерлер палатасы төрағасының орынбасары Юлия Якупбаева түсіндіріп өткендей, бұл адамдардың мекемелерге скриншот арқылы кіре алмасы үшін жасалған.