ҚР Ішкі істер министрлігінің ресми өкілі Нұрділда Ораз брифингте балаларға қарсы жыныстық қылмыстармен қалай күрес жүргізілетінін айтты, хабарлайды zakon.kz.
Оның айтуынша, балаларға қарсы жыныстық қылмыстардың алдын алу және жолын кесу - министрліктің ерекше бақылауында.
Ішкі істер министрі Ерлан Тұрғымбаев ведомствоның құрылымдық және аумақтық бөлімшелерінің басшыларымен бейнеконференцбайланыс режимінде жедел кеңес өткізді. Онда кызметтер мен бөлімшелердің басшыларына министр кәмелетке толмағандардың жыныстық тиіспеушілігіне қарсы қылмыстарға қарсы іс-қимылдың қосымша шараларын белгіледі. Атап айтқанда, бұлар - әкімшілік қадағалауды күшейту және жазасын өтеген педофилдерге қатысты электрондық бақылау құралдарын қолдану, - деді спикер.
Жалпы, оның айтуынша, соңғы жылдары педофилдердің полицияның бақылауында болу шарттары едәуір күшейтілді: олар жазасын қауіпсіздігі жоғары түзеу мекемелерінде өтеп жатыр.
Сонымен қатар, тараптарды татуластыруға, шартты түрде соттауға, жазаны неғұрлым жұмсақ түрге ауыстыруға, сондай-ақ шартты түрде мерзімінен бұрын босатуға тыйым салынды.
Мадина Мамырханова
