Марат Құсайынов ҚР Қорғаныс министрінің бірінші орынбасары болып тағайындалды, деп хабарлайды zakon.kz.
Мемлекет басшысының өкімімен Құсайынов Марат Рахымұлы Қазақстан Республикасы Қорғаныс министрінің бірінші орынбасары - Қазақстан Республикасы Қарулы Күштері Бас штабының бастығы болып тағайындалды, - делінген Ақорданың ресми хабарламасында.
Марат Құсайынов 1967 жылы 20 мамырда Қарағанды облысында дүниеге келген.
Айта кетсек, бір апта бұрын Жамбыл облысындағы оқ-дәрі қоймасындағы жарылыстардан кейін қорғаныс министрі жаңадан тағайындалды. Бұл лауазымды қызметке Мұрат Бектанов келді. Алдындағы министр Нұрлан Ермекбаев өз еркімен отставкаға кетті.
