"Талибан" қозғалысының (Қазақстанда және басқа елдерде тыйым салынған ұйым) өкілі Забиулла Муджахид Панжшер провинциясын толығымен басып алғандарын мәлімдеді, деп хабарлайды zakon.kz.
Бұл туралы ол өзінің Twitter -дегі парақшасында жазды.
Тәліптердің Ауғанстандағы қауіпсіздікті сақтауға бағытталған соңғы әрекеті өз нәтижесін берді. "Жалдамалы-дұшпандардың соңғы қорғаны" болған аймаққа толық бақылау орнатылды, - деп хабарлады Лента.ру.
Мужахид көтерілісшілердің кейбірі ұрыста жеңіліске ұшырап, ал басқалары қашып кеткенін атап өтті. Сонымен бірге Талибан өкілі Панжшер тұрғындарына қысым көрсетілмейтінін айтты.
Бұған дейін тәліптер Ауғанстандағы қарсылық майданының жетекшісі Ахмад Масудтың атысты тоқтату туралы ұсынысын қабылдамаған болатын. Талибанның саяси кеңсесі өкілінің айтуынша, ол өзі келісімге келуден бас тартқан, сондықтан тәліптер Масудпен келіссөз жүргізуді доғарған.
4 қыркүйекте тәліптер Панжшерді өз бақылауына алды. Талибанның шабуылы Масудпен келіссөздер сәтсіз аяқталғаннан кейін, 2-3 қыркүйекте басталды. Сонымен қатар, Ұлттық қарсыласу күштері жауынгерлік отрядтардың провинция аумағына кіргенін, кейін шегініп, ауыр шығынға ұшырағаны хабарланды.