2021 жылдың 6 қыркүйегінде "Қазмедиа орталығы" ғимаратында "СӨЗТҮЗЕР. Қате қолданыстар сөздігінің" тұсаукесері өтті, деп хабарлайды zakon.kz ҚР Ақпарат және қоғамдық даму министрлігіне сілтеме жасап.
"СӨЗТҮЗЕР. Қате қолданыстар сөздігінің" Отандық БАҚ материалдарының мониторингі негізінде білікті лингвистердің, тәжірибелі журналистер мен кәсіби редакторлардың қатысуымен әзірленді. Жоба авторлары еліміздің ақпараттық кеңістігінде мемлекеттік тілде жиі кездесетін қателіктерді анықтады, жіктеді және талдады.
Нәтижесінде қазақ тіліндегі сөздерді дұрыс пайдаланбаудың нақты мысалдары бар, сондай-ақ жалпы орфографиялық, пунктуациялық және стилистикалық қателер сөздігі жасалды. Онда сөздер мен сөйлемдердің дұрыс нұсқасын қолдану бойынша ұсыныстар берілген. Бұл осы бағыттағы алғашқы ауқымды жоба.
