Ауыр атлетикадан спорт шебері Альберт Линдер 17 қыркүйекке қараған түні қайтыс болды, деп хабарлайды zakon.kz.
Жасөспірімдер арасындағы Әлем чемпионы, Азия чемпионы, Универсиаданың жеңімпазы әрі рекордсмені, Қазақстанның бірнеше дүркін чемпионы Альберт табандылықтың, жауапкершіліктің және өз ісіне деген сүйіспеншіліктің арқасында талай керемет жетістіктерге қол жеткізуге болатынының үлгісі болды. Қазақстан ауыр атлетика федерациясының ұжымы спортшының отбасы мен жақындарына шын жүректен қайғырып көңіл айтады, делінген федерация сайтындағы қаралы хабарда.
Альберт Линдер небары 25 жаста еді.