"Бізге Еуразиядағы "үлкен ойындар" қажет емес, - деді Қазақстан Президенті Қасым-Жомарт Тоқаев, деп хабарлайды zakon.kz.
Бізге Еуразиядағы "үлкен ойындар" қажет емес, баршаға бейбіт, қауіпсіз және тұрақты болашақ қалыптастыру мақсатында зор серпіліс керек. Бұл үшін мемлекеттеріміздің тәжірибе, механизм, инфрақұрылым бойынша мүмкіншілігі жетеді. Ең бастысы, серіктестікті нығайтуға және бір-бірін қолдауға деген ортақ ниет бар, - деді Душанбеде ШЫҰ-ға мүше елдердің мемлекет басшылары кеңесінің отырысында Қазақстан Президенті.
Біздің ортақ мақсатымыз – ШЫҰ кеңістігін тұрақты, экономикалық жағынан дамыған және өркендеген макроөңірге айналдыру, – деді Қасым-Жомарт Тоқаев.