Қазақстан Республикасының Бас мемлекеттік санитарлық дәрігері өзінің 2021 жылғы 17 қыркүйектегі қаулысы бойынша медициналық мекемелерде суретке, видеоға түсіруге салынған шектеулердің күшін жойды, деп хабарлайды zakon.kz.
Атап айтқанда, денсаулық сақтау ұйымдарында, жедел жәрдем көліктерінде, жергілікті атқарушы органдар карантинге жатқызған үй-жайларда науқастар мен медициналық қызметкерлерді, сондай-ақ медициналық қызметкерлердің үйде медициналық көмек көрсетуі кезін, індет ошағында эпидемиологиялық тексеру жүргізу сәтін, сауалнама жүргізу және науқастар мен байланыстағылардан жауап алуды олардың келісімінсіз аудиоға, фото мен видеоға түсіруге қатысты қарастырылған шектеу алынып тасталды.