Ведомствоаралық комиссия шешімімен 30 шет мемлекетпен арадағы Қазақстанға кіру үшін визасыз режим қайта қалпына келтірілді, деп хабарлайды zakon.kz.
Қолайлы эпидемиологиялық ахуалы және халықты вакциналаудың жоғары деңгейі бар 30 шет мемлекетпен Қазақстан Республикасына кіру үшін (Италия, Нидерланды, Франция, Германия, Испания, Жапония, БАӘ, Сауд Арабиясы, Кувейт, Польша Дания, Чили, Венгрия, Корея, Чехия, Бахрейн, Катар, Монако, Кипр, Исландия, Финляндия, Мальта, Швеция, Португалия, Лихтенштейн, Словакия, Люксембург, Канада, Сингапур, Бельгия) визасыз режимді қайта басталмақ, - делінген ҚР Премьер-министрінің ресми сайтында.
Денсаулық сақтау министрі Алексей Цой елдегі эпидемиологиялық жағдай тұрақталып, соңғы екі аптада аурушаңдық пен өлім-жітімнің 60%-ға төмендегенін айтты.