Алматының Ақбұлақ ықшамауданындағы қанды оқиға ешкімді бей-жай қалдырмады. Қоғам екіге жарылды, бірі атудан басқа амалы қалмаған 54 жастағы еркекті айыптаса, енді біреулер оны жақтап жатыр, деп хабарлайды zakon.kz телеграм-каналдардың біріне сілтеме жасап.
Қаза тапқандардың бірі Нұрахмет Тұрғанов – әлгі "адам атқыштың" кепілдегі мүлігін сатып алған. Ол 220 шаршы метрді небәрі 15,5 млн теңгеге сатып алыпты. Тұрғанов ел-жұрттың қарызы үшін тәркіленген мүлігін арзан бағаға сатып алумен бұрыннан бері айналысады екен. Мәселен, 2018 жылы ол Алматыдағы Сайын – Төле би көшелерінің қиылысындағы бір бөлмелі пәтерді 4-ақ млн теңгеге сатып алыпты. Ал ондай мүліктің нарықтық құны 9 млн-нан басталатын. Ол жылына ел бойынша осындай жолмен ондаған мүлікті алып-сатқан.
- Қазақстандағы соттар мұндай тірліктерге оң көзбен қарайды, өйткені біздің елде "қораға кіргендердің" тәркіленген дүниесінен бизнес жасаумен айналысатындар өте көп. Ерте ме, кеш пе, дәл кешегідей қайғылы оқиға бәрібір болатын еді, - делінеді хабарламада.
