Ерлердің ізін ала, әйелдер арасында Astana WTA 250 халықаралық турнирінде чемпиондық мәртебеге таласы басталды, деп хабарлайды zakon.kz.
Бұл турнирде Елена Рыбакинаны қоспағанда, қазақстандық теннистің барлық үздіктері бақ сынамақшы. Болашағынан үміт күттіретін жас қазақстандық теннисшілер осы жарыс жолының іріктеу кезеңінде күш сынасуды бастап кетті. Өкінішке қарай, олардың көбісі беделді турнирдің негізгі ойын бөлігіне өте алмады. Бұл мүмкіндік Татьяна Николенко, Гозал Айнитдинова, Софья Чурсина, Дана Байдәулет және Екатерина Дмитриченкоға бұйырды.
Алматылық Жібек Құламбаева жарыстың негізгі кезеңінде жеңілістің ащы дәмін татып үлгерді, ол аса тәжірибелі жоғары голландиялық Алисия Ван Утванкке жол берді - 3: 6, 4: 6.
Енді кортқа неғұрлым тәжірибелі және білікті қазақстандық теннисшілердің шыққанын күтіп отырмыз. Мысалы, Юлия Путинцева, Зарина Диас және Анна Данилина дегендей.