4 қазанда Telegram мессенджеріне жаңадан қосылушылар санының рекордтық өсімі тіркелді. Бұл туралы компанияның негізін қалаушы Павел Дуров айтты, деп хабарлайды zakon.kz.
Бұл күні Facebook, Instagram және WhatsApp бүкіл әлем бойынша жұмысын тоқтатты. Telegram-ды жаңадан қолданушылардың күнделікті өсім қарқыны нормадан бірнеше есе жоғары болды және біз бір күнде басқа платформалардан 70 миллионнан астам "босқынды" қабылдадық. Бір сәтте мұндай көлемде желі қолданушылардың басқасына өтуі салдарынан Америкадағы кейбір мессенджерлер, әдеттегіден баяу жұмыс істейтін күйге түсуі мүмкін, - деп жазды Дуров Telegram-арнасында.