Спорттан бөлек өзінің айдай сұлу көркімен жанкүйерлерін тәнті еткен волейболшы қыз Сәбина Алтынбекова былтыр тұрмысқа шыққан болатын. Жуырда ол сәбилі болды.
Сүйінші хабармен спортшы арудың өзі Инстаграм парақшасында бөлісті. Ол 5 қазанда қамшы ұстар - ұл баланы дүниеге әкеліпті.
"Сені тағытсыздана күткендей, өмірімде бір де бір ер адамды күтпеппін, балапаным менің. Махаббат пен мейірімге толы отбасыға қош келдің", - деп жазды ол.
Айта кетсек, Сәбина Алтынбекова 2020 жылдың 25 желтоқсанында тұрмысқа шықты. Арудың таңдауы 33 жастағы алматылық жігіт Саят Тостықбаевқа түсті. Жас жұп мұсылман дәстүрі бойынша мешітте некесін қиды.