Әлеуметтік желілерде қол-аяғы байлаулы сарбаздың біртүрлі видеосы пайда болғаны белгілі. Осы жайтқа қатысты ҚР ҰҚК түсінік берді, деп хабарлайды zakon.kz.
Видеода орындыққа байланған жауынгер өзін босатуды талап етіп, айқайлайды.
Сарбаз 2021 жылдың 25 қыркүйегінде Қызылорда облысы бойынша Қорғаныс істері жөніндегі департаментімен әскери борышын өтеуге шақырылып, 27 қыркүйекте қызмет орнына келді, деп хабарлады ҚР ҰҚК баспасөз қызметі.
Оны әскерге шақыру комиссиясы жарамды деп тапты. 29 қыркүйекте ол ұстама белгілерімен Үшарал ауруханасына жатқызылды.
Оқи отырыңыз: "Жын кірді" деген сарбаздың видеосына қатысты тың дерек жарияланды
Құзырлы ведомстваның мәліметінше, ол 30 қыркүйектен бастап Алматыдағы ҰҚК госпиталінде тексеруден өтіп жатыр. Әскери дәрігерлерден тұратын комиссия алда шешім қабылдайды. Оған сәйкес, оның ары қарай әскери борышын өтейтін-өтемейтіні анықталады.
