Биыл Қазақстанда дәретхана қағазы 6%-ға қымбаттады, деп хабарлайды zakon.kz.
2021 жылдың сегіз айында елімізде 56,8 млрд теңгенің қағаз және қағаз өнімдері өндірілді. Бұл өткен жылмен салыстырғанда, 5,4%-ға артық. Сектордағы өнеркәсіп өндірісінің нақты өсімі 3,7%-ды құрады, делінеді Energyprom.kz зерттеуінде.
Ең көп өндіріс Алматы облысында өндірілген: 19,3 млрд тг, бұл жылына елімізде өндірілетін өнімнің 38,7%-ы. Үштікке Алматы (16,9 млрд теңге, елімізде өндірілетін өнімнің 26,6%-ы) және Шымкент (5,3 млрд теңге, елімізде өндірілетін өнімнің 4,7%-ы) кіреді.
Анықтама үшін: 2020 жылы елімізде қағаз және қағаз өнімдерін өндіру 17,4%-ға, 71,1 млрд теңгеге дейін өсті.
Бақытжан Отарбаева