ҚР Әділет министрі 2021 жылғы 15 қазандағы бұйрығымен жеке сот орындаушысында тағылымдамадан өту қағидаларына өзгерістер енгізді, деп хабарлайды zakon.kz.
Осылайша, жеке сот орындаушысының қызметін жүзеге асыруға лицензия алу үшін тағылымдамадан өтуге ниет білдірушілер жеке сот орындаушыларының республикалық палатасы жанындағы оқу орталығына еркін нысанда өтініш бере алады делінген.
ЖСО-да тағылымдамадан өтуге рұқсат беру туралы өтінішке мынадай құжаттар қажет:
- ҚР азаматының жеке басын куәландыратын құжаттың көшірмесі;
- жоғары заң білімі туралы дипломның көшірмесі (салыстыру үшін түпнұсқасы болмаған жағдайда нотариалды куәландырылған);
- еңбек қызметін растайтын құжаттың көшірмесі (бар болса);
- психикалық мінез-құлық бұзылулары бар науқастарды динамикалық бақылау (немесе динамикалық бақылаудың болмауы) туралы мәліметтер;
- мәліметтер (наркологиялық науқастарды динамикалық бақылау (немесе динамикалық бақылаудың болмауы) туралы);
* сотталмағаны туралы анықтама; - 3х4 сантиметр көлеміндегі екі фотосурет.
Бұйрық 2021 жылғы 2 қарашадан бастап қолданысқа енгізіледі.
Бақытжан Отарбаева