Түркістан облысындағы алапат дауыл бүгін де басылмай тұр. Салдарынан 51 елді-мекеннің 26 мыңдай тұтынушысы жарықсыз қалды, деп хабарлайды Zakon.kz.
Облыстық Төтенше жағдайлар департаментінің мәліметінше, топырақ аралас жел, әсіресе Бәйдібек ауданындағы ауылдарға зиян келтірген.
Сондай-ақ, табиғаттың тосын мінезінен Арыс қаласы мен Сайрам, Отырар, Ордабасы аудандарында үйлердің шатыры желге ұшты. Электр желілері үзіліп, істен шықты. Бүгінде жарыққа жауапты мекеменің 25 бригадасы қалпына келтіру жұмыстарына тартылды. 80-нен астам құтқарушы мен 22 бірлік техника жұмылдырылды. Қатты дауыл әлі де жалғасады деген болжам бар, деп хабарлайды "Хабар-24".
Ерік Сарыбасов, облыстық ТЖД бастығының орынбасары:
Енді "Қазгидромедтің" беріп отырған мәліметіне сәйкес, дауылды жел бүгін де сақталады. Кей жерлерде дауылды жел тұруы мүмкін. Осыған байланысты бүкіл облыс, аудан-қалаларда әкімдік тарапынан шұғыл штабтар құрылып, барлық қызметкер күшейтілген қызмет түріне көшірілді.