Иммундау науқаны басталған соң балаларға да "жасыл", "көк" немесе "қызыл" деген мәртебе беріледі ме? Бұл сауалға Орталық коммуникациялар қызметінде өткен брифингте Денсаулық сақтау министрі Алексей Цой жауап берді, деп хабарлайды Zakon.kz тілшісі.
Бұқаралық ақпарат құралдары өкілдері "Балаларды да белгі бойынша, яғни жасыл, көк және қызыл мәртебесі барлар деп бөлу жоспарланып отыр ма" деген сауалды ортаға тастады.
Вакцина алған балалардың екпе құжаты болады. Бірақ қазір балалардың мәліметін Ashyq жүйесіне енгізу туралы мәселе қарастырылып жатқан жоқ. Мұны ведомствоаралық комиссия қарайды, – деді Денсаулық сақтау вице-министрі Ажар Ғинаят.
Оның айтуынша, бірінші кезектегі мақсат – балаларды вакциналау, осылайша оларды КВИ-дан қорғау.
