Синоптиктер 13-15 қарашаға арналған ауа райы болжамымен бөлісті, деп хабарлайды Zakon.kz.
Қазақстандағы алдағы күндердің ауа райын Солтүстік-Батыс циклонның терең ойпаты мен онымен байланысты фронтальді бөлімдер айқындайтын болады. Батыстан шығысқа қарай жылжыған фронтальды бөліктер салдарынан республикамыздың барлық өңірлерінде жауын-шашынды ауа райы қалыптасады, қар аралас жаңбыр жауып, көктайғақ болады, солтүстікте бұрқасын болып, екпінді жел күтіледі. Батыста ауа температурасы түнде 5 градус аяз, ал күндіз 3 градус аяздан +10 градусқа сынап бағаны көтеріледі, солтүстікте, солтүстік-батыста және шығыс пен орталықта түнде 1-10 градус аяз, күндіз -5/+7 градус, еліміздің оңтүстігінде, оңтүстік-шығысында түнде 1-10 градус аяз, күндіз 2-10 градус жылы болады деп болжанады, делінген "Қазгидромет" РМК хабарламасында.