ҚР Еңбек және халықты әлеуметтік қорғау экс-министрі Біржан Нұрымбетовтың ағасы – Тимуржан Нұрымбетовке кесілген үкім өзгерді, деп хабарлайды Zakon.kz.
Бұл туралы Жамбыл облыстық соты хабарлады.
Жамбыл облыстық сотының қылмыстық істер жөніндегі сот алқасының 2 қарашадағы қаулысымен Тараз қаласының №2 сотының сотталған Т.Нұрымбетовке қатысты 10 маусымдағы үкімі өзгертілді. Он жылдан сегіз жылға дейін бас бостандығынан айыру төмендетілді, деді Жамбыл облыстық сотының баспасөз қызметі.
Еске сала кетейік, 11 маусымда Жамбыл облысының жұмыспен қамтуды үйлестіру және әлеуметтік бағдарламалар басқармасының бұрынғы басшысы Тимуржан Нұрымбетов он жылға сотталды.
Ол 44 млн теңгеден астам сомаға ірі көлемде пара алды, алаяқтық жасады және лауазымдық өкілеттіктерін асыра пайдаланды деп айыпталды. Ол мемлекетке 54 млн теңгеден астам сомаға залал келтірген.
Дайана Тоқберген
