Қазақстан Республикасы Қорғаныс министрлігінің мәліметі бойынша, ресейлік әскери контингенті бар алғашқы ұшақ Қазақстанға 6 қаңтарда келіп қонды. Ізін суытпай артынан жедел түрде Армения, Беларусь, Қырғызстан және Тәжікстаннан бітімгерлік контингенттер келген болатын.
ҰҚШҰ-ға мүше мемлекеттер ұжымдық бітімгершілік күштерінің әскери қызметшілері терроризмге қарсы операцияға тартылған жоқ. Террористік топтарға қарсы негізгі іс-қимылдарды құқық қорғау органдары мен Қазақстан Республикасының Қарулы күштері жүргізді.
Сонымен қатар, елде ұйым елдерінің әскери бөлімшелерінің болуы Қазақстан Қарулы күштерінің әскери қызметшілері мен басқа да әлеуетті құрылымдардың қызметкерлеріне төтенше жағдай режимін қамтамасыз ету және терроризмге қарсы операцияны өткізу жөніндегі іс-шараларға толық көңіл аударуға мүмкіндік берді.
Естеріңізге сала кетейік, Қазақстан Республикасының Президенті жағдайды объективті бағалай отырып, Ұжымдық қауіпсіздік туралы шарт ұйымына мүше мемлекеттерге Республикадағы жағдайды тұрақтандыруға жәрдемдесу үшін бітімгерлік күштерін жіберу туралы өтініш жасады.
ҰҚШҰ-ның Ұжымдық бітімгерлік күштері Қазақстан аумағында уақытша мерзімге келгенін және Қазақстан тарапының өтініші бойынша жағдай тұрақталғаннан кейін яғни бүгін олар өз елдеріне қайтатын болады.