Дегенмен министр қазақшамды жақсартуым керек деп алты ай уақыт беруді сұрады. Ол негізгі сұрақтардың бәріне орысша жауап берді.
"Кешіріңіз, мен өз ана тілімді негізі білемін. Бірақ қазақша сөйлеу деңгейімді көтеруім керек. Маған алты ай беріңіз. Сонда барлық сұрағыңызға қазақ тілінде жауап беремін. Маған алты ай беріңіз, кешіріңіз. Сапалы жауап беремін", - деді Энергетика министрі Алмасадам Сәтқалиев.
Дегенмен жаңа министр үкімет отырысында баяндамасын қазақша оқыды. Ол жүйелік оператор бекіткен кестеге сай биыл қай электр станцияларында жөндеу жоспарланғанын айтты. Оның сөзінше, электр станцияларында биыл 10 энергоблокты, 49 қазандықты және 54 турбинаны жөндеу жоспарланған.