Алтай Көлгінов елімізде аз қамтылған отбасыларға қолдау көрсетіліп жатқанын еске салды. Олардың қатарында аз қамтылған отбасылар, мүмкіндігі шектеулі балаларды тәрбиелеп отырған отбасылар, жұмыссыздар бар.
"Әлеуметтік мемлекет ретінде біз тек мұқтаж жандарға ғана қолдау көрсетеміз. Егер адамдар жұмыс істегісі келсе, бірақ денсаулығы мүмкіндік бермесе, біз оларды жұмыспен қамтамасыз етуіміз керек", - деп қосты ол.
Сонымен бірге Көлгінов қазір үкімет АӘК алатындар санын қысқарту нұсқасын қарастырмай жатқанын атап өтті.
"Қазір ондай шешім жоқ. Депутаттар ұсыныс жасады, бұл министрлікпен бірлесе талқыланады. Біздің мақсатымыз – шын мәнінде мұқтаж жандарға қолдау көрсету. Кім жұмыс істей алады, соларға жұмыс жағдайын жасау керек. Сонда біз бюджетке түсетін салмақты азайтамыз", - деді премьер-министрдің орынбасары.
Ол сондай-ақ АӘК үнемі жетілдіріліп жатқанын атап өтті. Атап айтқанда, жәрдемақы мөлшері аз қамтылған отбасының бір мүшесіне 6000 теңгеден 12000 теңгеге дейін ұлғайтылды.
"Бұл да – ерекше көмекке мұқтаж отбасы үшін жақсы қолдау. Қазір біз Әлеуметтік кодексті қабылдадық. Оның цифрлық отбасы картасы бар, яғни оны цифрландырған кезде нақты қай отбасына мемлекеттік қолдау қажет екенін көреміз, біз өзімізден көмек көрсетеміз. Ұсынысты депутат енгізді, енді бірігіп талқылай келе, мұқтаждарды қолдаусыз қалдырмау үшін қолайлы шешім қабылдаймыз. Бірақ бұл ретте тәуелділік болмауы керек".Алтай Көлгінов
Оның айтуынша, жұмыс істей алатындар оқытылады, қажет болған жағдайда біліктілігін арттырады немесе кейін жұмысқа орналасу үшін қайта даярланады.
Баяндамашы өз ісін ашқысы келетіндерге шағын несие беру мүмкіндігі бар екенін де атап өтті.
Бұған дейін мәжіліс депутаты Гауһар Танашева АӘК-ті алып тастауды ұсынған еді. Оның айтуынша, балалар жәрдемақысының көлемін арттыру қажет.
