Тоқаев ҚР Президенті іс басқарушысының жаңа орынбасарын тағайындады

ҚР Президенті іс басқарушысының жаңа орынбасары тағайындалды. Бұл қызметке Абай Алтай келді. Оған дейін бұл лауазымда Маржан Әкімжанова болған еді, деп хабарлайды Zakon.kz.

Тиісті өкімге мемлекет басшысы Қасым-Жомарт Тоқаев 2023 жылғы 7 маусым күні қол қойды.

"Мемлекет басшысының өкімімен Абай Алтай Қазақстан Республикасы Президенті Іс басқарушысының орынбасары лауазымына тағайындалды", – делінген Ақорданың хабарламасында.

ҚР президентінің тағы бір өкімімен Маржан Әкімжанова Қазақстан Республикасы Президенті іс басқарушысының орынбасары лауазымынан босатылды.