Еділ Жаңбыршин депутаттардың сауалдарына нақты жауап бермеген Алмасадам Сәтқалиевтің жалпы отырысқа дайын емес екенін айтты.
"Нақтылық жоқ. Министр үш ай бұрын тағайындалды. Ол бұрын осы салада жұмыс істеген, жылу энергетикасының жағдайын біледі, бірақ проблемалы қалаларға ешқашан бармаған. Ол өңірлерге президент барады, депутаттар кетеді. Бірақ Энергетика министрі Риддерге де, Екібастұзға да, Кентауға да, Арқалыққа да, тіпті Астанадағы 3-ЖЭО-ға да барған емес. Сонда олар қалай жұмыс істейді? Кеңседе ме? Бұл үнемі сыртқа шығуға тура келетін, аудандарға барып, көретін, бақылайтын сала емес пе?".Еділ Жаңбыршин
Алмасадам Сәтқалиев депутаттың ескертуін қабылдады. Проблемалық учаскелерге бару кестесі әзірленіп, әкімдіктермен келісілгенін қосты.
"Біз әлі барған жоқпыз, себебі көптеген нысанда жөндеу әлі басталған жоқ. Жөндеу жұмыстарының басталуын күтіп отырмыз. Барлығының жөндеу кестесі бар, оны бақылауда ұстаймыз. Картамыз бар, көрсете аламын. Әр энергетикалық нысан бойынша тәуекел аймағы, тозу деңгейі, қуаттылығы, жаңа қуаттарды салу сияқты сипаттамасы бар. Дәл қазір қауіпті болып тұрған нысандар: Риддер, Текелі, Семей ЖЭО-1, Шахтинская ЖЭО, Павлодар ЖЭО-2, Шымкент ЖЭО-3, МАЭК «Қазатомөнеркәсіп» ЖЭО. -1, «Қазатомөнеркәсіп» ЖЭО-2, Жезқазған ЖЭО, Петропавл ЖЭО-2 белгілі бір алаңдаушылық туғызады. Министрліктің бақылауы объективті түрде қажет болатын нысандарды жүзеге асыруды жоспарлап отырмыз".Алмасадам Сәтқалиев
Мәжіліс спикері Ерлан Қошанов бұл жауапқа қанағаттанбады. Ол әріптесіне айтылған сынды әділ деп санады.
"Түсінікті, Алмасадам Майданұлы. Сіз дайындалғанша, қыс та келеді. Ол жақта жөндеу басталған-басталмағанына қарамастан, президент барады. Өзі барлық нысанды, жылу-электр стансаларын, проблемалы қалалардағы қазандықтарды көреді, аралайды. Сіздер осы уақытқа дейін тек кестені әзірледіңіздер".Ерлан Қошанов
Ал елімізде жылумен қамтамасыз етуде проблемалы нысандар жетеді. Мысалы, Арқалық қаласындағы жылу электр орталығын алайық. Жалпы отырыста Жоғарғы есеп палатасының басшысы Наталья Годунова жылумен қамту саласындағы тексеру барысында Арқалық ЖЭО-ның тек қағаз жүзінде іске қосылғанын айтты.