Министр алдағы жылыту кезеңінде қауіпті аймаққа енгізілген энергетикалық кәсіпорындар анықталғанын қоса кетті. Оның сөзінше, меншік иелері тарапынан жөндеуді қаржыландырудың болмауына байланысты Әкімдік, Өскемен жылу желілері және Риддер жылу электр орталығы акционерлік қоғамының арасында станцияда жөндеу жүргізуді ұйымдастыру туралы келісімге қол қойылды.
"Қазір мердігер ұйымдар барлық 6 қазандық бойынша жөндеуді бастады. Сонымен қатар қажет материалдар сатып алынады, құбыр өнімдері жылу электр орталығына әкелініп жатыр. Сонымен бірге жылу желілеріне жөндеу жүргізіліп жатыр". Алмасадам Сәтқалиев
Энергетика министрі сонымен қатар Қаржы министрлігімен бірлесіп Қазақстан үкіметінің және жергілікті атқарушы органдардың резервтерін пайдалану қағидаларына өзгерістер енгізіп жатқанын мәлімдеді.
- Екібастұз жылу электр орталығының сенімді жұмысын қамтамасыз ету шеңберінде алдағы жылыту маусымында 10 қазандықты жөндеу көзделген. Қазір 7 қазандықта жұмыс жүргізіліп жатыр. Коммуналдық меншікке қабылданған 5 су жылыту қазандығын жөндеуге үкімет резервінен 7,4 млрд теңге бөлінді. Қалған 5 бу қазандығы, қосалқы жабдықтар, ғимараттар мен құрылыстар «Орта Азия электр энергетикалық корпорация» акционерлік қоғамының есебінен жөнделеді.
- «Арселор Миттал Теміртау» акционерлік қоғамының Екінші жылу электр орталығында №1 қазандығын жөндеуді аяқтау мерзімі мамырдан тамызға дейін 3 айға ұзартылды. №7 жаңа қазандықтың құрылысы бойынша қазандық барабанының жарамдылығы туралы сараптама жүргізу қажет.
- Жезқазған жылу электр орталығында № 4 қазандықты жөндеуді жеделдету, энергетикалық жабдықтың барлық жоспарланған жөндеудің орындалуын қамтамасыз ету қажет.
- Батыс аймақта авариялық жөндеуге байланысты резервтің болмауына байланысты «МАЭК» жылу электр орталығы электр станциясында №1 (20 қазаннан бастап жоспарланып отыр) қазандықта, сонымен қатар «МАЭК» мекемесінің 2-ші жылу электр орталығында №10 және 6 турбиналарында күрделі жөндеу басталған жоқ.
- Кентау жылу электр орталығында қазандықтарға жөндеу 2015 жылы, ал күрделі жөндеу тек 2012 жылы жүргізілген. Осы жылы 4 қазандықты №8, 9, 10, 11 реконструкциялау жоспарланған. Қажет 7,5 млрд. теңгеден облыстық бюджеттен 1 млрд теңге бөлінді. Әкімдік жергілікті бюджеттен қаражат іздеу жөнінде шаралар қабылдауы қажет.
