Ғани Бейсембаев оқу жылының ұзақтығы туралы әлі түпкілікті шешім қабылданбағанын айтты.
"Қазір министрлік түпкілікті шешім қабылдаған жоқ. Бірақ талапқа сай, ата-аналар қауымдастығымен талқылау жүргізіліп жатыр. Сарапшылар мен ғалымдар шешім қабылдады. Олар 36 аптаны (яғни, 1 маусымға дейін - ред.) қалдыруды ұсынып отыр", - деді министр.
Оның айтуынша, енді бұл ұсынысты республика бойынша ата-аналар мен ұстаздар арасында талқылау қажет болады.
"Қазір біздің мамандар өңірлерді аралап, ата-аналармен, балалармен, мұғалімдермен кездесіп, соңғы шешімнің қандай болатынын талқылап жатыр", - деп түйіндеді Оқу-ағарту министрі.
