Мәселен, акцияларының жүз пайызы республикалық меншіктегі "Ұлттық ақпараттық технологиялар" акционерлік қоғамы деректерді өңдеу орталығы үшін АТ-жабдықтарын сатып алу мақсатында 2023–2024 жылдардың қорытындысы бойынша акциялардың мемлекеттік пакетіне дивидендтер төлеуден босатылады.
"Ұлттық ақпараттық технологиялар" акционерлік қоғамының мемлекеттік акциялар пакетін иелену және пайдалану құқығын жүзеге асыратын мемлекеттік орган осы тармақтың бірінші бөлігінде көрсетілген қаражаттың нысаналы пайдаланылуын бақылауды қамтамасыз етіп, жыл сайын 31 желтоқсанға дейінгі мерзімде мемлекеттік жоспарлау және мемлекеттік мүлік жөніндегі уәкілетті органдарды хабардар ету ұйғарылады.
Түсіндірілгендей, бұл республикалық бюджет қаражатын үнемдеу мақсатында, сондай-ақ бюджетті келісу және бекіту процестерінің күрделілігіне байланысты жасалады. Осыған байланысты "Ұлттық ақпараттық технологиялар" АҚ-ны 2023-2024 жж.қорытындылары бойынша акциялардың мемлекеттік пакеті бойынша дивидендтер төлеуден 7 жыл мерзімге қарыз арқылы АТ-жабдықтарды (серверді, деректерді сақтау жүйесін және т. б.) сатып алуға арналған шығыстарды қаржыландыру үшін босату қажеттілігі туындады.
"Аталған іс–шаралар деректерді өңдеу орталығын дамытуға бағытталатын болады", - делінген негіздемеде.
Құжат 29 мамырға дейін жария талқылау үшін Ашық НҚА сайтында орналастырылған.
