Түркі мемлекеттері ұйымының саммитінде қол қойылған құжаттардың тізімі жарияланды

Ақорда 2024 жылғы 6 қарашада Бішкекте өткен Түркі мемлекеттері ұйымы саммитінің қорытындысы бойынша қол қойылған құжаттардың тізімін жариялады, деп хабарлайды Zakon.kz.

Түркі мемлекеттері ұйымының XI саммиті аясында мынадай құжаттарға қол қойылды:

1. Түркі мемлекеттері ұйымы XI саммитінің декларациясы;
2. "Түркі әлемінің жасыл дамуы: орнықты келешектің бірлігі" туралы шешім;
3. Бішкек қаласын 2025 жылы Түркі мемлекеттері ұйымының Цифрлық астанасы деп жариялау туралы шешім;
4. Мажарстан Премьер-министрі Виктор Орбанды "Түркі әлемінің ең жоғарғы орденімен" марапаттау туралы шешім;
5. Түркі әлемінің хартиясын қабылдау туралы шешім;
6. Түркі мемлекеттері ұйымы Бас хатшысының орынбасарларын тағайындау туралы шешім;
7. "Түркі мемлекеттері ұйымының Тұрақты өкілдері жөніндегі ереже" туралы шешім;
8. Түркі ынтымақтастығы ұйымдарының тулары жөніндегі шешім.

Бұған дейін Тоқаевтың Бішкекте өтіп жатқан Түркі мемлекеттері ұйымы саммитіне қатысқаны хабарланған болатын.