АҚШ-тың USA Today күнделікті газеті Геннадий Головкиннің америкалық боксшы Ванес Мартиросянмен жұдырықтасқаны үшін қанша табыс табатынын жариялады, деп хабарлайды Baq.kz.
«Мартиросянмен жекпе-жек өткізгені үшін Головкин шамамамен 2 млн доллар сыйақы және 3 млн доллардай пайда табады. Себебі, қос боксшы арасындағы кездесу НВО телеарнасында көрсетіледі әрі боксты көру үшін ешкім ақылы жазылымдарды сатып алмайды», - деп жазады америкалық басылым.
Егер қазақстандық боксшы Сауль «Канело» Альвареспен жұдырықтасса, 30 млн доллар көлемінде пайда табар еді.
Естеріңізге сала кетейік, WBA Super, WBC, IBF және IBO нұсқасында әлем чемпионы Геннадий Головкин мен америкалық боксшы Ванес Мартиросян (36-3-1, 21 КО) арасындағы кездесу 5 мамыр күні АҚШ-тың Карсон қаласындағы StubHub Center аренасында өтеді.