Спортшы болған жайтты өз аузымен айтуды жөн көрген. Instagram парақшасында жарияланған видеода Қуат Хамитов сөз басын тәртіпсіздік салдарынан қайтыс болған азаматтардың жақындарына көңіл айтудан бастады.
Спортшы Батыстағы ағайынды қолдау мақсатында бейбіт шеруге шыққанын мойындады. Дегенмен өзін неге ұстап әкеткенін түсінбейтінін мәлімдеді. Оған қоса, құқық қорғаушы органдардың іс-әрекеті заңсыз екенін тілге тиек етті. Себебі заңға қайшы ешқандай әрекет етпегенін, қала ғимараттарын бүлдірмегенін айтты.
Сөз соңында Қуат Хамитов әлі 5 жыл жұдырықтасуды жоспарлағанын, алайда соңғы болған жағдайларға байланысты спорттық мансабын аяқтайтынын жеткізді.
