Ақтөбеде 30 наурыз бен 2 сәуір аралығында жүзуден Қазақстанның ашық жазғы чемпионаты аяқталды. Чемпионат қорытындысы бойынша ұлттық құраманың құрамы анықталды, деп хабарлайды Су спорты түрлері федерациясы.
Жалпыкомандалық біріншіліктің қорытындысы бойынша І-орынды 43 714 ұпай еншілеген Алматы командасы, ІІ-орынды 35 266 ұпаймен Ақтөбе облысының командасы иеленді. 30 096 ұпай жинаған Нұр-Сұлтан қаласының командасы үштікті түйіндеді.
Ақтөбе облысының өкілі Диана Тасжанова 17:31,08 секундта еркін стильмен 1500 метр қашықтықта Қазақстанның жаңа рекордын орнатты.
Чемпионаттың қорытындысы бойынша Игнатова Ксения мен Камзенов Айбек 17 маусым мен 3 шілде аралығында Венгрия астанасы Будапештте өтетін су спорты түрлерінен 19-шы Әлем чемпионатына қатысу нормативтерін сәтті орындады.
Әлем чемпионатында Қазақстан намысын ұлттық құраманың бес мүшесі қорғайды: Мусин Әділбек, Варакин Александр, Камзенов Айбек, Пчелинцева Аделаида, Игнатова Ксения.
