Финалға шыққанға дейін Теміртас Жүсіпов 48 келіге дейін салмақта екі мәрте жеңіске жетті. Оның рингтегі қарсыластары Өзбекстаннан келген боксшы Дониер Бекмуродов және әзірбайжандық спортшы Тұрал Сариев болды, деп хабарлайды ҚР Қорғаныс министрлігінің баспасөз қызметі.
Қырғызстаннан келген боксшы Асылбек Аманқұлұлымен шешуші жекпе-жекте төрешілердің бірауыздан шешімімен Теміртас Жүсіпов жеңімпаз атанды. Осылайша, армия спортшысы халықаралық турнирде Қазақстан ерлер құрамасының құрамында алғашқы алтын медальді жеңіп алды.
Теміртас Жүсіпов – Қазақстанның алты дүркін, Азия (2013 жыл) және әлем (2021 жыл) чемпионы.
Сурет: gov.kz
Айта кетсек, алдында Мажарстанның Дебрецен қаласында өткен халықаралық турнир финалында қазақстандық боксшылар абсолютті көрсеткіш көрсетіп, финалға шыққан алты боксшымыз да чемпион атанғанын хабарлаған болатынбыз.