67 келіге дейінгі салмақ дәрежесінде жартылай финалда Дулат Бекбауов грузин боксшысы Лаша Гурулиді 5:0 есебімен жеңіп, дебюттік Әлем чемпионатында ақтық бәсекеге жолдама алды.
2023 жылғы Әлем чемпионы атағы үшін Бекбауов 14 мамырда Өзбекстан боксшысы Асадхужа Муйдинхужаевпен күш сынасады.
Дулаттан бөлек, Әлем чемпионаты финалына ертерек жолдама алған Санжар Ташкенбай (48 келіге дейін) мен Махмұд Сабырхан (54 келіге дейін) да басты жүлдені сарапқа салады.
12 мамырда 2023 жылғы Әлем чемпионатының кешкі сессиясында жартылай финалда тағы екі жерлесіміз - Асланбек Шымбергенов (71 келіге дейін) пен Нұрбек Оралбай (80 келіге дейін) өнер көрсетеді.