71 келіге дейінгі салмақта өнер көрсеткен ол Үндістан боксшысы Нишант Девпен қолғап түйістірді. Барлық үш раунд бойына созылған ауыр жекпе-жектің қорытындысы бойынша Шымбергенов жеңіске жетіп, жарыстың финалына шықты.
Осылайша, Асланбек Шымбергенов алтын медальға таласу мүмкіндігіне ие болды.
Бұған дейін Ташкентте бокстан өтіп жатқан 2023 жылғы Әлем чемпионаты финалына Санжар Ташкенбай (48 келіге дейін), Махмұд Сабырхан (54 келіге дейін) және Дулат Бекбауов (67 келіге дейін) өткен болатын.
