Монастирде (Тунис) ITF World Tennis Tour W15 турнирінде 18 жастағы Аружан Сағандықова ересектер арасындағы жеке турда алғашқы титулын жеңіп алды.
Финалда қазақстандық спортшы үндістандық Ваишнави Адкарды 7:6 (8:6), 6:0 есебімен ұтты.
"Бұл титулды жеңіпа алғаныма өте қуаныштымын. Есімде мәңгі қалады. Қазақстан теннис федерациясына, жаттықтырушылар құрамы мен, әрине, ата-анама маған қолдау көрсетіп, сенім білдіргені үшін алғыс айтқым келеді", - деді Сағандықова марапаттаудан кейін.
Ал Жібек Құламбаева литвалық теннисші Юстина Микульскитемен бірге жұптық сында Скопьедегі (Солтүстік Македония) ITF W40 турнирінде жеңіске жетті.
Сурет: ktf.kz
Финалда Құламбаева/Микульските жапониялық Саиго/Саиго 6:3, 6:4 есебімен жеңді. Бұл - Жібектің ITF жұптық сериясындағы биылғы бесінші және карьерасындағы 24-титулы.