Бүгінгі күннің екінші матчы барысында Юлия Путинцева (69 WTA) Кимберли Биррелді (113 WTA) 6:0, 7:5 есебімен сенімді түрде жеңді.
Осылайша, Қазақстанның екінші ракеткасы Австралияға қарсы ойында есепті 1:1 етіп теңестірді. Бастапқы матчта Анна Данилина жұптық сында әлемнің бірінші ракеткасы Сторм Хантерден (6:7, 4:6) жеңіліп қалған еді. Сондай-ақ, бүгін, 9 қарашада жұптық сындағы кездесу өтеді: Анна Данилина мен Жібек Құламбаева Сторм Хантер және Эллен Переспен ойнайтын болады.
Айта кетсек, Қазақстан әйелдер құрамасының көшбасшысы Елена Рыбакина күтпеген жерден Австралияға қарсы ойындарға қатыса алмай қалды. Нақтырақ айтқанда, ол тізімге енгізілмеген.