Бүгін Италияда үш боксшымыз олимпиада жолдамасына таласатын болады

9 наурызда және 10-шы наурызға қараған түні Бусто-Арсициода (Италия) бокстан олимпиада жолдамасы сарапқа салынатын турнирде Қазақстан атынан үш спортшы бақ сынайды, деп хабарлайды Zakon.kz.

Рингтегі қызу айқасты "Qazsport" телеарнасының тікелей эфирінен тамашалай аласыздар. 

Отандастарымыздың жекпе-жегінің кестесі төмендегідей: 

• Әйелдер. 75 келі. 1/8 финал

18: 15 - Валентина Хальзова (Қазақстан) — Бюшра Ишилдар (Түркия)

• Әйелдер. 66 келі. 1/8 финал
  

23:45 - Наталья Богданова (Қазақстан) - Анета Рыгельска (Польша)

• Ерлер. 92 келі. 1/8 финал

01:15 - Айбек Оралбай (Қазақстан) — Хулио Сесар Кастильо Торрес (Эквадор).

Айта кетсек, Бусто-Арсициода Париждегі (Франция) 2024 жылғы Олимпиада ойындарына жолдамалар ойнатылып жатыр. Олимпиадаға жолдама алу үшін екі қызымыздан (57 кг және 60 кг) бөлек барлық салмақ дәрежесіндегілер жартылай финалға өте алуы керек.