Басына бөтелке тиген серб теннисшісі басын ұстап, жерге домалай кетті.
Турнирді ұйымдастырушылар теннисшіден қолтаңба алуға тырысқан жоғарыдағы жанкүйерлердің бірінің сөмкесінен су толы алюминий бөтелке сусып түскенін айтады. Ұйымдастырушылар сөзін растау үшін желіде видео жариялады, онда бөтелкенің спортшыға қасақана лақтырылмағанын анық көруге болады.
36 жастағы ойыншы, "Үлкен дулығаның" 24 дүркін чемпионын күзетші киім ауыстыратын бөлмеге ертіп апарғанға дейін ол біраз уақыт жерде жатты. Кейінірек спортшы аталған оқиғаға қатысты Х (бұрынғы Twitter) желісіндегі парақшасында жазба жариялады.
"Алаңдап, жазып жатқан хабарламаларыңыз үшін рақмет. Бұл - жазатайым оқиға, қазір мұзды басыма қойып, қонақүйде демалып жатырмын. Жексенбіде барлығыңызбен кездескенше", - деп жазды Джокович.
