Енді португалдықтар Еуро-2024 ширек финалында 5-нен 6 шілдеге қараған түні француздармен кездеседі. Словения құрамасы турнирден шығып қалды.
Алдағы матчта Мбаппе Роналдумен кездеседі.
Португалия – Словения арасындағы ойынның негізгі уақыты және одан кейінгі қосымша уақыты да 0:0 есебімен аяқталды.
Пенальти белгіленген Португалияның футболшысы Криштиану Роналду мүмкіндігін сәтсіз аяқтап, жылап жіберді.
Ал матч соңынан кейінгі пенальти сериясында Кошта Словенияның үш соққысына да тойтарыс берді. Португалия тарапынан пенальти сериясын Роналду бастап, бұл жолы ол мүлт кеткен жоқ. Одан кейін Бруну Фернандеш пен Бернарду Силва да пенальтиді дәл тепті. Қорытынды есеп – 0:0 ( пенальти - 3:0).