Сандуғаш Кенжебаева неміс теннисшісі Жоэль Строймен бірге тізе қоса отырып, жартылай финалда итальяндық Джулиана Бестетти/Октавия Масетти жұбын 6:4, 6:2 есебімен жеңді.
Енді Сандуғаш пен Жоэль финалда ресейлік Дарья Шадчневамен жұптасқан тағы бір отандасымыз Асылжан Арыстанбековаға қарсы ойнайтын болады. Олар жартылай финалда Биянка Барбулеску (Румыния) /Астрид Олсен (Норвегия) жұбын 6:1, 6:2 есебін ұтқан.
Сандуғаш үшін бұл - Антальядағы жұптық сындағы қатарынан болған үшінші финал. Ол алдыңғы екі турнирде жеңіске жеткен болатын. Шешуші матч ертең 25 қаңтарда өтеді.