"Чемпионат" басылымының мәліметінше, 10 ақпанда Фонтана Италия құрамасы сапында аралас эстафетада алтын медаль жеңіп алды.
Арианна Фонтана – 35 жаста. Оның еншісінде әлем чемпионаттарының 17 медалі (оның ішінде бір алтын) және Еуропа чемпионаттарының 45 жүлдесі (соның 25-і алтын) бар.
Осылайша, Фонтананың Олимпиада ойындарындағы жалпы жүлде саны 12-ге жетті:
- 2006 жыл (Турин) – қола
- 2010 жыл (Ванкувер) – қола
- 2014 жыл (Сочи) – күміс және екі қола
- 2018 жыл (Пхёнчхан) – алтын, күміс және қола
- 2022 жыл (Бейжің) – алтын және екі күміс
- 2026 жыл (Милан) – алтын
Сонымен қатар Фонтана 500 метр қашықтықтағы іріктеу кезеңінен сәтті өтіп, алдағы жарыстарда өнер көрсетуін жалғастырады.