2023 жылдың 19 қаңтарында Сыбайлас жемқорлыққа қарсы қызметтің көмегімен 1983 жылы туған азамат Қоржыбаев Қанаттың (бұрыңғы тегі Құралұлы) өтірігі әшкереленді. Ол өзін Антикордың қызметкері ретінде таныстырып жалпы қамқорлық көрсеткені үшін Алматы облысы кәсіпорындарының бірінің басшысынан 1 млн теңге сомасында ақшалай қаражатты алаяқтық жолмен иемденді.
Жеке тінту барысында 2014 жылы таратылған қаржы полициясының қызметкерінің жеке куәлігі тәркіленді. Қолда бар мәліметтерге сәйкес, Қоржыбаев бұрын да осындай қылмыстар жасаған болуы мүмкін, делінген хабарламада.
Оның заңсыз істері туралы ақпарат болған жағдайда 1424 Антикордың Call-орталығына хабарласу сұралады.
Тергеу мүддесіне орай өзге ақпарат жария етуге жатпайды.
