Бұрынғы Британ флотының офицері, Темір адам ретінде танылған Ричард Браунинг Дубайда өзінің ұшуға арналған костюмін көрсетті. Инженер өнертабысын Gulf Information Security Expo және Conference көрмесінде көрсетті.
Құрылғы арқылы тік қалыпта ұшуға болады, сондай-ақ ұшу бағыты мен жылдамдығын қолдардың көмегімен бақылап отыруға болады. Құрылғылар өзара көптеген сымдар, датчиктер және басқа да электрондық аспаптармен байланысады.
2017 жылы Браунинг Гиннестің рекордтар кітабына енген, ол костюмін киіп, көлдің үстінен 32 км/сағ жылдамдықпен ұшқан болатын. Сонымен қатар, бұрынғы әскери адам - Gravity Industries-тің негізін қалаушысы.