Naked Science мәліметінше, бұл технология арқылы биікте соғатын күшті желді электр энергиясын өндіру үшін пайдалану жоспарланып отыр.
S4000 кәдімгі жел турбиналары жұмыс істейтін биіктіктен әлдеқайда жоғары деңгейде жел энергиясын өндіруге арналған. Сынақтардың сәтті аяқталуы технологияны іс жүзінде инженерлік мақсатта қолдануға жақындата түседі.
Соңғы сынақ барысында әуедегі энергетикалық жүйенің толық жұмыс циклі тексерілді: құрылғыны көтеру, белгіленген биіктікте ұстап тұру, электр энергиясын өндіруді тексеру және жерге басқарылатын түрде қайтару.
Әзірлеушілердің мәліметінше, барлық негізгі көрсеткіштер белгіленген талаптарға сәйкес келген. Алынған нәтижелер технологияны күрделі таулы аймақтарда пайдалануға бейімдеу бойынша одан әрі жетілдіру жұмыстарына көмектеседі.
Платформаның есептік қызмет ету мерзімі 20 жылға дейін жетеді. Бұл оны дәстүрлі жел электр станциялары техникалық немесе табиғи шектеулерге тап болатын аймақтарда ұзақ уақыт пайдалануға мүмкіндік беруі мүмкін.
Бұған дейін қытайлық хирургтардың алғаш рет толықтай ампутацияланған науқастың екі аяғын да қалпына келтіргені туралы жазған болатынбыз.